பரிதவிக்கும் பெத்தமனம் விழி காண துடிக்குது மகளின் மணகோலம்-Daughter Marriage-Advanced KP Stellar Astrology

உச்சிஷ்ட மஹா கணபதி போற்றி...!

பரிதவிக்கும் பெத்தமனம் விழி காண துடிக்குது மகளின் மணகோலம்..!

அனைவருக்கும் வணக்கம்.

நம்மிடம் ஜோதிட ஆலோசனைக்காக ஒரு அம்மா தொடர்புகொண்டார். 28 வயதாகும் தன் மகளின் திருமண வாழ்வு எப்படி இருக்கும் என்று அறிய வேண்டி ஜோதிட ஆலோசனை கேட்டார்.

என் கனவர் நல்ல அந்தஸ்தானவர். ஜாதி சங்கத்தில் முக்கிய பொருப்பில் உள்ளார். அரசியல் பின்புலம், கோடி கணக்கில் சொத்துக்கள், ஆடம்பர வீடு, மகளின் மாத வருமானம் லகரத்தில். இப்படி அனைத்தும் இருந்தும் என் மகளின் திருமண வாழ்வில் ஏனோ இவ்வளவு தடங்களும் சோதனைகளும் தெரியவில்லை.

தன் மகளின் கல்லூரி காலத்தில் வகுப்பு தோழனுடன் ஏற்பட்ட காதலால் அவரையே மணப்பேன் என்று பிடிவாதமாக உள்ளார். எனது கனவரோ வேற்று ஜாதி சம்பந்தம் வேண்டாம் என்று கடுமையாக மறுத்து வருகின்றார். இவர்களுக்கிடையேயான போராட்டத்தில் நான் சிக்கி மனநிம்மதி இழந்து தவிக்கின்றேன்.

சீரும் சிறப்புடன் மகளின் திருமணத்தை வெகு விமரிசையாக நிகழ்த்த நாங்கள் மிகுந்த எதிர்பார்ப்புடன் இருந்தோம். ஆனால் காதல் பிரச்சனையால் எல்லாம் சுக்குநூறாகிவிட்டது.

என் மகளுக்கு திருமண வைபோகம் நிகழுமா என்று மிகுந்த வேதனையுடன் கேட்டார்கள்.

ஜாதகியின் பிறப்பு விவரங்களை தந்தார். அவர் அளித்த தேதி 29-03-1991 நேரம் 7:15 Pm - 07:30pm. சரியான நேரம் தெரியவில்லை என்றார்.

ஆளும் கிரகங்களின் உதவியுடன் சரியான பிறந்த நேரத்தை கண்டுபிடித்து துல்லியமான ஜாதகத்தை கணித்து லக்ன நிலை மற்றும் நட்சத்திர விவரங்களை கூறினேன்.

ஜாதகி் கன்னியா லக்னம் மற்றும் ஜென்ம ராசியாக கன்னியா ராசி், ஜென்ம நட்சத்திரம் உத்திரம் 3ம் பாதம் சூரியன் நட்சத்திரம், திதி பௌர்ணமி, விருத்தி யோகம், பத்தரை கரணம், சித்த யோகம், செவ்வாய் ஹோரை, வெள்ளி கிழமை அன்று ஜனித்துள்ளார்.

ஏற்கனவே கணித்த ஜாதகம் துலாம் லக்னம் ஆதலால் இதுவரை அதையே பயன்படுத்தி வந்ததால் ஏகபட்ட குழப்பம் என்றார்.

ஆம். இந்த ஜாதகி லக்ன சந்தியில் பிறந்துள்ளதால் நிகழ்ந்த குழப்பம் இது. இப்போது குழப்பத்தை நிவர்த்தி செய்தாகிவிட்டது.

துல்லிய ஜாதகமுமம் நம் மூலம் கிடைத்துவிட்டது.

பொதுவாக கன்னியா லக்னம், ரிஷப லக்னம், மகர லக்ன காரர்களுக்கு குடும்ப வாழ்வு எட்டா கனியாகவோ அல்லது பிரச்சனையுடனோ அமையும்.

காலபுருஷ தத்துவத்தின் படி 12ம்வீடான மீன ராசி, உபய ராசியான கன்னிக்கு 7ம் வீடாக வரும். நில ராசியான கன்னிவீட்டுக்கு, நிலையற்ற உபய ராசி வாழ்க்கை துணையாக அமைவதால், மாற்றத்தை குறிக்கும். இது (7,12) (12,7) ஆக செயல்படும்.

12ம் வீடு விரையத்தையும், பிரிவையும், தனித்து வாழ்வதையும், விரக்தி நிலையை குறிக்கும். காலபுருஷ இயக்க தத்துவத்தின்படி, இயற்கை பொது காரகங்கள்தான் 50% ஜாதகத்தில் வேலை செய்யும்.

பஞ்சபூத தத்துவத்தில் உத்திரம் 3ம் பாதம் காற்று வகையை சார்ந்தது. ஜென்ம நட்சத்திர பலன்கள் ஏற்ற இறக்கத்துடன் இருக்கும்.

ராசி கட்டத்தில் கிரகங்களின் அமர்வு 

லக்னம் மற்றும் ராசி நாதன் புதன் 7ம் வீட்டில் சுக்கிரனுடன் மேஷத்தில் உள்ளார். சுக்கிரன் 2 மற்றும் 9ம் வீட்டின் அதிபதி.

நான்காம் வீடான மகரத்தில் சனி மற்றும் ராகுவின் அமர்வு, அதற்கு 7ம் வீட்டில் கடகத்தில் கேது மற்றும் குரு இணைவு.

தந்தை காரகன் சூரியன் 6ம் வீட்டில் மீனத்தில் அமர்வு. பெண்களுக்கு களத்திரகாரகன் செவ்வாய் ஒன்பதாம் வீடான மிதுனத்தில் அமர்வு.

ராசி சக்கரத்தில் அனைத்து கிரகங்களின் அமர்வு பார்ப்பதற்கு நல்ல நிலையில் தெரிந்தாலும் காலாகாலத்தில் திருமண பந்ததில் இணைய கொடுப்பினையை மறுப்பதற்கான காரணம் என்ன?

காலசக்கரத்தில் 12 ராசி கட்டங்களில், கிரங்களின் அமர்வை மட்டும் பார்த்தால் சரியான பலனை ஓரளவு மட்டுமே அறிய இயலும். இது ஒரு மேலோட்டமான ஆய்வு, துல்லியமாக பலனை அறிய, சரியாக ஆய்வு செய்ய வேண்டும் என்றால் உயர்கணித சாரஜோதிட முறையில், பாவமுனைகளின் தொடர்பை உட்படுத்தி கிரகங்கள் மற்றும் பாவ முனைகளின் சாரத்தின் ஊடே அவை பெற்ற பாவ தொடர்புகளை உண்ணிப்பாக ஆராய வேண்டும். அப்பொழுதுதான் விதிகொடுப்பினையின் முழு விவரங்களையும் மிக துல்லியமாக அறிய இயலும்.

அது எப்படி சார ஜோதிடத்தில் மிக சரியாக பலன்களை அறிய முடியும்?

ஆம்! உயர்கணித சார ஜோதிட முறையில் பலன்களை மிக துல்லியமாக  அறிந்திடலாம்.

சரி. முதலில் சார ஜோதிடத்தின் அடிப்படை கோட்பாட்டை அறிந்தால்தான், பாவமுனை தத்துவத்தின் இயங்கு நிலையில் பலன்களை எவ்வாறு நிர்ணயிக்க முடியும் என்பதை அறியலாம். அதற்கான விளக்கத்தை மிக எளிமையாக தங்களுக்கு புரியும் விதத்தில் இனி காண்போம்.

பாவமுனை புள்ளிகள்

ஒரு ஜாதகர் என்ன நோக்கத்திற்காக ஜனித்துள்ளார், இப்பிறவியில் ஜாதகர் அனுபவிக்க எவை கொடுக்கபட்டுள்ளது, எவை மறுக்கபட்டுள்ளது என்பதை பாவமுனை புள்ளிகளே நிர்ணயிக்கின்றன.

பாவமுனைகள் கொடுப்பினையை அளந்துகாட்டும் துல்லியமாணி என்றால் அது மிகை ஆகாது. ஏனென்றால் ஒரு சம்பவத்தின் அனைத்து நிகழ்வுகளும் பாவத்தின் ஆரம்பமுனையில் நிச்சயிக்கபடுகின்றன.

பாவ முனையின் ஆரம்ப நிலை அடிப்படையில் சம அளவற்ற ராசி சக்கரம் நிர்ணயிக்கபடுகின்றன. இது பாரம்பரிய ஜோதிட முறையில் இருந்து முற்றிலும் மாறுபட்ட காலசக்கர அமைப்பு ஆகும்.

பாவமுனைகள் எதன் அடிப்படையில் செயல்படுகின்றன?

பாவமுனைகள் என்பது உபநட்சத்திர கோட்பாடுகளை உள்ளடக்கி, நின்ற உப அதிபதியின் வலிமையில் பலமாக இயங்கும் சாரதத்துவ கோட்பாடு ஆகும்.

லக்னம் என்பது உயிர், அதுதான் ஜாதகர்,  லக்னத்தை தவிர்த்து மற்ற 11 பாவமுனைகளும், லக்னத்திற்கு ஒரு விளைவையும், தன்பாவத்திற்கு ஒரு விளைவையும் முன்னிறுத்தி தனித்து இயங்கும் தத்துவத்தின் அடிப்படையில் பலாபலன்களை வாரி வழங்குபவை.

பாவ முனையில் நின்ற உப நட்சத்திரம் மிகவும் வலிமை வாய்ந்தவை, அதற்கு அடுத்த குறைந்த நிலையில் உப உப நட்சத்திரம், உப உப உப நட்சத்திரம் மற்றும் நட்சத்திரம், அமர்ந்த கிரகம் மற்றும் ராசி அதிபதி ஆகியவை தான் நின்ற நட்சத்திரம் மற்றும் உப நட்சத்திரம்  கொண்ட தொடர்புகள் மூலம் பலனை தனக்கான அதிகார எல்லையின் அளவீட்டு முறையில் வழங்குகின்றன.

அதிகார அளவீடா? அது என்ன சதவிகித அடிப்படையில் கிரகங்கள் வகைபடுத்தபட்டுள்ளதா?

ஆம். பாவ முனையின் உப நட்சத்திரம் 60%, உப உப நட்சத்திரம் 25%, உப உப உப நட்சத்திரம் 10%, நட்சத்திரம் 5% என்ற விகிதாச்சார அளவில், கிரகங்கள் தன் சார பலன்களை பொருத்து, 12 பாவங்களுக்கும் பலன்களை வழங்குகின்றன. இதுவே சாரஜோதிடத்தின் அடிப்படை ஜோதிட கோட்பாடு ஆகும்.

அன்பு வாசகர்கள் தற்போது சாரஜோதிடத்தில் நல்ல புரிதலை உணர்ந்திருப்பீர்கள் என நம்புகின்றேன். இந்த எளிய விதிகளை மனதில் நிறுத்தினால்தான் பலன்களை துல்லியமாக அறியமுடியும்.

சரி. ஜாதக ஆய்வை துவங்குவோம்.

கிரக காரகம் & கிரக தொடர்புகள்

கிரகங்கள் தான் நின்ற நட்சத்திரம் மற்றும் உப.நட் மூலம் தொடர்புகொண்ட பாவங்களின் பலன்களை முன்னிருத்தி ஜாதகரின் யோக, அவ யோக பலன்களை வழங்குகின்றன. விதிபடி ஜாதகர் அனுபவிக்க வேண்டியதை கிரகங்கள் தனது தசா புக்தி வரும் காலங்களில் ஜாதகரை அனுபவிக்க செய்கின்றன.

• சூரியன் -> 6,8,12 தந்தை மூலம் ஜாதகி சில சங்கடங்களை நன்றாக அனுபவிப்பார்.

• சந்திரன் -> 2,6,8,12 ஜாதகி மன அழுத்த பாதிப்பில் அவ்வபோது ஆட்படுவார்.

• செவ்வாய் -> 2,6,8 பிடிவாத குணம், மூர்க்க தனம், விவாத விரும்பி, சமமற்ற வாழ்க்கை துணைவர். துணைவர் மூலம் தொல்லையடைவார்.

• புதன்-> 2,4,8,10,12 உறவினருடன் பிரச்சனை, அனுசரித்து சென்றால் உறவினருடன் ஒற்றுமை சிறக்கும்.

• குரு -> 1,3,5,7,9,11 அகம் சார்ந்த விசயங்களுக்கு நன்மை. 

• சுக்கிரன் -> 2,6,8,12 பொருளாதார வகையில் சிறப்பு. அக வாழ்வில் சிறப்பாக செயல்பட ஜாதகி முயற்சிக்க வேண்டும்.

• சனி -> 8,12 அசுப தன்மை பலமாக வலுத்துள்ளது. இவருக்கு கீழ் பணிபுரிபவருடன் சிக்கல்களை சந்திப்பார்.

• ராகு -> 6,8,12 அசுப பலனை தயக்கமின்றி வழங்கிடுவார்.

• கேது -> 3,5,9,11 சுப தன்மையுடன் உள்ளது.

பாவ தொடர்புகள்

லக்ன பாவம் (1ம் வீடு)

இந்த ஜாதகத்தில், ஜாதகி ஜனித்த நேரத்தில் லக்ன பாவமுனை கன்னி ராசியில் 28° 24' 51" பாகையில் சித்திரை 2ம் பாதம் செவ்வாய் நட்சத்திரத்தில் விழுந்துள்ளது. ராசி அதிபதி புதன்.

செ | சனி - புத - ராகு

லக்னம் செவ்வாய் சாரத்தில், சனி உப நட்சத்திரத்தில், புதன் உப உப.ந, ராகு உஉஉ.ந அமைந்துள்ளது. லக்ன பாவ உபாதிபதி சனி, லக்ன பாவத்தின் பலன்களை வழங்க அதிகாரம் ஏற்றுள்ளார்.

கிரகம்    ந.அ         உப.ந

-----------------------------------------

சனி      |   சந்     -    செவ்

1,7         |  (12)    -      (8)

1ம் பாவம் -> 8,12

இதன் மூலம் லக்ன பாவமுனை வலிமையாக 8,12ம் பாவங்களை தொடர்புகொண்டுள்ளது.

பொதுவாக லக்னத்திற்கு தீங்கு தரும் பாவங்கள் 4,8,12 ஆகியவை ஆகும். இதன் மூலம் ஜாதகியின் லக்ன கொடுப்பினை கெட்டுள்ளது என்பதை அறியமுடிகின்றது.

ஜாதகருக்கு லக்ன பாவம் எந்த வகையிலும் துர்ஸ்தானங்களான 8,12 தொடர்புகொள்ளவே கூடாது. இந்த 8,12 பாவங்கள் ஜாதகிக்கு சாதகமற்ற பலன்களை வழங்கி அவர் தன் முடிவில் பிடிவாதத்துடன் செயல்பட வைத்து அவருக்கு கிடைக்கவேண்டிய நற்பலன்களை தானாகவே கெடுத்துக்கொள்கூடிய நிலையை தந்திடுவார்.

குடும்ப ஸ்தானம்

ஜாதகர் தன்வாழ்வில் புதியவர்களை இணைத்து நல் உறவை பேணுதலை குறிக்கும் பாவம் இரண்டாம் பாவம்.

2ம் பாவத்திற்கு சுக்கிரன் உபாதிபதியாக அமைந்து இரண்டாம் பாவம் 2,6,8,12 ஆகிய பாவங்களை தொடர்புகொண்டுள்ளது.

இதுவும் குடும்ப அமைப்பில் சாதகமற்ற நிலையையே குறிகின்றது. அகம் சார்ந்த காரங்களுக்கு ஒற்றைபடை தொடர்புகொள்வதே சிறப்பு. இங்கு ஜாதகியின் தனவரவிற்கு சாதகமாக இரண்டாம் பாவம் உள்ளதே தவிர குடும்ப வாழ்விற்கு சற்று சாதகமற்ற நிலையில் உள்ளது.

பூர்வபுண்ணிய ஸ்தானம்(5ம் பாவம்)

காதலை குறிக்கும் பாவம் 5ம் பாவம். இதற்கு இயற்கை சுபரான குரு உபாதிபதியாக அமைந்துள்ளார். மேலும் குருவே 3,5,9,11 ஆகிய பாவங்களுக்கும் உபாதிபதியாக இருப்பதனால் அகம் சார்ந்த  மற்ற ஒற்றைபடை பாவங்கள் வலுவாக உள்ளது.

குரு -> சனி சாரத்தில், சுக்கிரன் உபநட்சத்திரத்தில் அமர்ந்து சிறபாக உள்ளார்.

5ம் பாவம் -> 1,3,5,7,9,11 ஆகிய பாவங்களை  தொடர்புகொண்டுள்ளதால் ஜாதகி காதல் வலையில் விழுவார் என்பதை உணர்த்தும் வகையில் விதிபடி நிகழ்வுகள் நிறைவேறியுள்ளன.

களத்திர ஸ்தானம்(7ம் பாவம்)

7ம் பாவம் சனி உப நட்சத்திரத்தில் அமைந்து தொடர்புகொண்ட பாவங்கள் 8,12. களத்திர பாவம் கடுமையாக கெட்டுள்ளது. மேலும் சனி அமர்ந்த நட்சத்திரம் சந்திரன். இது புணர்பு தோஷத்தை தரும். 7ம் பாவம் சார்ந்த காரகங்கள் அவ்வளவு எளிதில் நிகழ்ந்துவிடாது. மேலும் சனி அமர்ந்த உப நட்சத்திரம் செவ்வாய். 8ம் பாவ உப நட்சத்திரமான செவ்வாயின் 7ம் பாவ சம்பந்தம் ஜாதகியின் திருமணம் பிரச்சனையுடன் நிகழும் என்பதை குறிகாட்டுகின்றது.

மாங்கல்ய ஸ்தானம்(8ம் பாவம்)

மாங்கல்ய ஸ்தானத்தின் உபாதிபதி செவ்வாய். 8ம் பாவத்தின் தொடர்பு 2,6,8. இதுவும் குடும்ப வாழ்விற்கு ஏற்றதாக இல்லை.

ஜாதகிக்கு முதல் களத்திரம் வலுவாக இல்லை. காதல் கணவரை கரம் பிடிப்பார். ஆனால் நீடித்த குடும்ப வாழ்வில் சிக்கலுடன் காலத்தை கழிப்பார். நிம்மதியான வாழ்விற்கு உத்திரவாதமற்ற களத்திர சிக்கலுடன் உள்ள ஜாதகம்.

குரு மற்றும் கேது குடும்ப வாழ்விற்கு சாதகமா உள்ளார்கள். இவர்களது தசாபுக்தி காலங்கள் நன்றாக இருக்கும்.

தற்போது ஜாதகிக்கு ராகு தசை புதன் புக்தி நடக்கின்றது. தற்போது ஜாதகிக்கு குடும்ப வாழ்விற்கு 01/12/2019 வரை சாதகமாக இல்லை. அதன் பிறகு வரவிருக்கும் குரு அந்தரம் நன்றாக உள்ளது. திருமணம் நடத்த சாதகமாக உள்ளது.

அடுத்து வரும் குரு தசை மிகவும் நன்றாக உள்ளது. குடும்ப வாழ்வை ஜாதகி குதுகலத்துடன் நன்றாக வாழ்வார்.

கவலை வேண்டாம் திருமணம் நல்லபடியாக நிகழும் என்று அவருக்கு பதில் உரைத்தோம்.

இந்த கால கட்டத்தில் திருமணத்தை நடத்துவது பிரச்சனை இன்றி முடிக்க சாதகமாக இருக்கும்.

பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்,

என்றும் அன்புடன்...

திலக். ஜெ. பாலமுருகன் M.C.A.,

Advanced KP Stellar Astrologer

+91-8 8 2 5 5 1 8 6 3 4

astrotilakjbalamurugan@gmail.com

சொத்துக்களை எப்போது விற்றால் நல்ல லாபம் கிடைக்கும்-When is best time to sell your property-KP Astrology

உச்சிஷ்ட மஹா கணபதி போற்றி...!

சொத்துக்களை எப்போது விற்றால் நல்ல லாபம் கிடைக்கும்-When is best time to sell your property?

அனைவருக்கும் வணக்கம்.

ஒரு மனிதனுக்கு இரண்டுவிதமான பலம் வேண்டும் எனபார்கள். ஒன்று பணபலம் மற்றொன்று ஆள்பலம். இவற்றில் ஏதேனும் ஒன்றையாவது வைத்திருப்பவரே வலிமையானவராக கருதப்படுகின்றார்கள். இவற்றை ஒருவன் தனது வாழ்நாளில் மறவாது தேடிவைத்துக் கொள்ளவேண்டும். இத்தகைய கருத்தினை, "பணமிருக்கணும், இல்லாவிட்டால் பத்து சனமிருக்கணும்" என்று பெரிவர்கள் கூறுவார்கள்.

பழமொழிக்குகூட பணத்தைதான் முன்னிலைபடுத்தி கூறுகின்றோம். காரணம் 'கருவறையில் இருந்து கல்லறை வரை சில்லறை தேவை’ என்று சொல்லி கேட்டிருப்போம். பணம் பாதாளம் வரை பாயும் என்பது நிதர்சனமான உண்மைதான்.

"பணமும் பத்தாயிருக்க வேணும்!
 பெண்ணும் முத்தாயிருக்க வேணும்!
முறையிலேயும் அத்தை மகளாய் இருக்கவேணும்!" 
என்று கிராமத்தில் மிக அருமையாக கூறுவார்கள்.

கொஞ்சம் வைத்திருப்பவன் ஏழை அல்ல; அதிகம் விரும்புபவனே ஏழை என்று தத்வார்த்தமாக வாதிட்டாலும் ஏட்டு சுரக்காய் கறிக்கு உதவாது என்பதுபோல் தேவைகள் பெருகியுள்ள இன்றைய காலகட்டத்தில், ஒருவன் அவசிய தேவைக்கும், அவசர தேவைக்கும் பொருளீடவில்லை என்றால் எதிர்காலத்தில் மிகுந்த அவதிக்கு ஆளாக வேண்டியதுதான்.

"பணப்பிரச்சனை என்றால், எல்லோரும் ஒரே மதத்தினர்தான்" என்று வால்டேர் கூறுவார். பணத்தின் உண்மையான மதிப்பு பிறரிடம் கடன் கேட்கும் போதுதான் தெரியும் என்று பிராங்க்ளின் கூறுவார்.
சேமிப்பு இல்லாதபோது வட்டிக்கு கடன் வாங்க நேரிடும். வங்கி அல்லாத பிற நபர்களிடம் கந்து வட்டிக்கு வாங்கி பணம் செலவு செய்தால் கடனாளியாவது நிச்சயம். சம்பாதிக்கும் பணத்தில் வட்டிக்கே பெரும்தொகை சென்று விடும்.

ஒருவருக்கு பணதேவை எப்போது வரும் என்று சொல்ல முடியாது. வாழ்க்கையில் எதிர்பாராத நிகழ்வுகள் நிகழும்போது திடீரென பணம் தேவைப்படும். அத்தகைய சூழ்நிலைகளில் உதவுபவை நாம் சேமித்து வைத்திருக்கும் பணம்தான், சேமிப்பு பணம் போதாத போது அடுத்து கைகொடுப்பது தங்க நகைககள்.

"சுண்டைக்காய் கால் பணம், சுமைகூலி முக்கால் பணம்" என்று தங்கத்தின் மீதான முதலீடும் நீண்ட கால முதலீடுக்கு ஏற்றாதா? என்று யோசிக்கும் அளவிற்கு அதன் மீதான உபரி செலவீனங்கள் உணர்த்துகின்றன.

மிக பெரிய செலவை இவை இரண்டும் ஈடுகட்டாதபோது நமது கவனம் அசையா சொத்துக்கள் மீது திரும்பும். பெருந்தொகை தேவைகளை ஈடுகட்டுவதில் அசையா சொத்துகளின் பங்கு அலாதியானது.

வாழ்க்கையின் எதிர்கால அவசர தேவைகளை கருத்தில் கொண்டு,   பாதுகாப்பான முதலீடாகவும், வருமானத்தின் உபரிகளை மீதமாகவும், வீன் செலவை தவிர்க்கும் சேமிப்பாகவும், பன்மடங்கு லாபத்திற்காவும், அந்தஸ்த்தை மிகைபடுத்திகொள்வதற்கும் "வருமானத்தை அசையா சொத்தாக மாற்றும் புத்திசாலிதனமான இயல்பை", பண்டைய காலந்தொட்டு, வழிவழியாக நாம் கடைபிடித்து வருகின்றோம்".

ஒருவருக்கு எதிர்கால பணதேவை என்பது இரு வகைகளில் தேவைபடுகின்றது. ஒன்று திட்டமிட்ட எதிர்கால செலவுகள் மற்றொன்று எதிர்பாராத திடீர் செலவுகள்.

பிள்ளைகளின் படிப்பு, திருமணம், தொழில் விரிவாக்கம், சுப மற்றும் அசுப நிகழ்வு செலவீனம், எதிர்பாரா திடிர் மருத்துவ செலவுகள் மற்றும் இதர காரணங்களுக்காக சொத்துக்களை விற்று காசாக்கி தேவைகளை சிரமமின்றி பூர்த்திசெய்கின்றோம்.

இந்த செலவீனங்களை எதிர்பார்த்த அளவிற்கு திருப்தியுடன் தேவைக்கு ஏற்றவாறு சமாளிக்க வேண்ம் என்றால் வாங்கிய சொத்துக்கள் நல்ல லாபத்துடன், எவ்வித பிரச்சனையும் இன்றி விற்பனையாக வேண்டும்.

அதற்கு ஜாதகத்தில் பாவமுனைகள் நல்ல அமைப்புடனும், நடக்கும் தசாபுக்திகள் சாதகமாக அமைய வேண்டும்.

கஷ்டபட்டு சேமித்த வருமானத்தை நல்ல சொத்தாக்கி, வாழ்நாள் முழுவதும் பாதுகாத்து,  வாழ்க்கையின் இறுதியில் நஷ்டத்தில் இழந்தால் அதைவிட பெருங்கொடுமை வேறொன்றும் இல்லை.

திட்டமிட்ட செலவீனங்களை, சொத்துக்களை விற்று, அந்த செலவீனங்களை மேற்கொள்ள வேண்டும் என்ற நிலையிருந்தால், "ஜாதகத்தில் சாதகமான தசாபுக்தி நடைபெறும் காலங்களிலே, நல்ல லாபத்துடன் சொத்துக்களை விற்று வங்கியில் பணமாக சேமித்துவிடுவதுதான் புத்திசாலிதனம்".

கடைசி நேரத்தில் பார்த்துக்கொள்ளலாம் என்று அலட்சியமாக இருப்பவர்களுக்கு அதற்கேற்ற பலனைதான் அனுபவிப்பார்கள்.

சார ஜோதிட விதிகள் மூலமாக ஒருவர் சொத்துக்களை எளிதாக விற்பாரா? நல்ல லாபத்துடன் விற்பாரா? நஷ்டத்துடன் விற்பாரா என்று விளக்கமாக இனி அறிவோம்.

என் சொத்துக்களை விற்க முடியுமா?

• அசையா சொத்துக்கள் மற்றும் நிரந்தர உடைமைகளை குறிக்கும் பாவம் 4ம் பாவம். 

• 4ம் பாவத்திற்கு 12ம் பாவமான 3ம் பாவம் எதையும் சுருக்குதல், மாற்றுதல், பெயறுதல் என்ற காரக தன்மையை வைத்திருப்பதால் இது 4ம் பாவத்தை கெடுக்கும் பாவமாக கருதபடுகின்றது.

• லக்னம் ஜாதகர் என்றால், 7ம் பாவம் சொத்துக்களை வாங்குபவர். 7ம் பாவம் என்பது ஒன்றை கொடுத்து ஒன்றை பெறுவது. அவர் சொத்துக்களை வாங்குவாரா? வாங்கமாட்டாரா? என்று அறிய 7க்கு 4ம் வீடான 10ம் வீட்டு பாவமுனையை பார்க்க வேண்டும்.

• ஜாதகரின் லக்னத்தில் இருந்து 10ம் மற்றும் 5ம் பாவமுனைகள் யாவும் சொத்துக்களை வாங்குபவர்க்கு (7ம் வீட்டு பாவமுனை) முறையே 4ம் வீடாகவும் ( உடமைகள்), 11ம் வீடாகவும் (வாங்குபவரின் ஆசை நிறைவேறுதல்) அமைகின்றது. ஆக ஒருவர் தன் சொத்துக்களை பிரச்சனையின்றி விற்க வேண்டும் என்றால் ஜாதகரின் 3ம், 5ம், 10ம் பாவமுனைகளின் தொடர்புகள் நல்லவிதத்தில் அமைய வேண்டும்.

நல்ல லாபத்துடன் சொத்துக்களை விற்பேனா?

• ஒருவருக்கு மூன்றாம் பாவத்தை முன்னிருத்தி ஒற்றைபடை தசா/புக்திகள் நீண்ட காலம் தொடர்ந்து நடைபெற்றால் தன் தேவைகளை சமாலிப்பதற்காக  சொத்துக்களை எவ்வித சிரமம் இன்றி விற்பார்.

• 12ம் பாவம் என்பது ஜாதகர் சொத்துக்களை ஒப்படைப்பது. 12ம் வீடு தன்பவத்தையும், லக்னத்திற்கு 8ம் பாவத்தையும் எவ்வித தொடர்பு இல்லாமல் இரட்டைபடை பாவங்களை தொடர்புகொண்டிருந்தால் ஜாதகர் தன் சொத்துக்களை நல்ல லாபத்துடன் விற்பார்.

சொத்துக்களை நஷ்டத்திற்கு விற்பேனா?

10ம் வீட்டு உபாதிபதி லக்னத்திற்கு 8ம் வீட்டை தொடர்புகொண்டிருந்தால் ஜாதகர் தன் சொத்துக்களை விற்று பணமாக்குவதில் மிகுந்த சிரமம் அடைவார்.

10ம் வீட்டு உபாதிபதி லக்னத்திற்கு 12ம் வீட்டை தொடர்புகொண்டிருந்தால் ஜாதகர் தன் சொத்துக்களை அடிமாட்டு விலைக்கு விற்பார்.

ஆக பத்தாம் பாவத்தின் 8,12 பாவதொடர்பு  சொத்துக்களை வாங்குபவர்க்கே லாபமாக அமையும்.

ஒருவருக்கு 8,12ம் பாவங்களை மையபடுத்தி நடைபெறும் தசாபுக்தி காலங்களில் சொத்துக்களை வாங்கவோ அல்லது விற்கவோ கூடாது.

பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்,

என்றும் அன்புடன்...
திலக். ஜெ. பாலமுருகன் M.C.A.,
Advanced KP Stellar Astrologer
+91-8 8 2 5 5 1 8 6 3 4
astrotilakjbalamurugan@gmail.com

என் மகனுக்கு திருமண வைபோகம் எப்போது-When is marriage for my son

உச்சிஷ்ட மஹா கணபதி போற்றி!

என் மகனுக்கு திருமண வைபோகம் எப்போது?

அனைவருக்கும் வணக்கம்.

கடந்த 2018 நவம்பர் மாதம் 03ம் தேதி, காலை நேரத்தில் அடையாளம் தெரியத எண்ணிலிருந்து என் அலைபேசிக்கு அழைப்பு வந்தது. எதிர் முனையில் பேசியவர் தன்னை அறிமுகம் படுத்திக்கொண்டார்.

முகநூல் பக்கத்தில் நமது ஜோதிட கட்டுரைகளை படித்து வருவதாகவும் அதன் மூலம் தங்களை தொடர்புகொண்டேன் என்றார்.

அவருக்கு எமது பணிவான நன்றியை தெரிவித்துக்கொண்டேன்.

எங்களுக்கு திருமணம் ஆகி ரொம்ப வருடம் கழித்து தவம் கிடந்து ஒரு ஆண் வாரிசை பெற்றெடுத்தோம். கோடி கணக்கில் பரம்பரை சொத்துகள், மிக பெரிய ஜவுளி நிறுவனத்திற்கு ஒரே வாரிசான என் மகனுக்கு காலாகாலத்தில் திருமணம் முடியவில்லை. 

வசதியில் எந்த குறையும் இல்லாமல் ஆண்டவன் எங்களை வைத்திருக்கின்றான். ஆனால் தனது ஒரே மகனுக்கு திருமண பந்தம் இன்னும் கூடி வரவில்லை...! வேண்டாத தெய்வம் இல்லை, செய்யாத பரிகாரமும் இல்லை... பல வருடங்களாக பெண் தேடி வருவதாகவும், காரணமே இல்லாமல் அவை தடைபெறுவதாகவும்,  "என் மகனுக்கு திருமண வைபோகம் எப்போது அமையும் ?" என்று ஜாதகத்தை கணித்து நல்ல செய்தி சொல்லுங்கள் என்று மிகவும் கவலை தோய்ந்த குரலில் பேசினார் அந்த பெரியவர்.

அவரது மகனின் பிறந்த தேதி, பிறந்த நேரம் மற்றும் பிறந்த ஊர் விவரங்களை வாட்ஸ்பில் அனுப்பி வைத்தார்கள்.

ஆளும் கிரகங்களின் துணை கொண்டு ஜாதகரின் பிறப்பு நேரத்தை துல்லியபடுத்தி ஜாதகத்தை கணித்தேன். ஐந்து நொடி வித்தியாசத்தில் துல்லிய ஜாதகம் கிடைத்துவிட்டது.

ஜாதகர் 28/04/1986 அன்று மாலை 06:29:55 மணிக்கு துலா லக்னத்தில், தனுசு ராசியில், மூலம் 4ம் பாதத்தில் சுக்கிரன் ஹோரையில் ஜனித்திருக்கின்றார்.

பிறந்த போது தசா இருப்பு கேது 01வ 7மா 24நாள்.

• ஜாதகரின் லக்ன பாவம் 16° 12'ல் துலாத்தில் ராகு நட்சத்திரம், சுக்கிரன் உபநட்சத்திரம், ராகு உபஉபநட்சத்திரத்திரத்தில் அமைந்துள்ளது. லக்ன பாவத்தின் உபாதிபதியாக களத்திரகாரகன் சுக்கிரன், ஒன்றாம்பாவம் 1,3,5,7,11 ஆகிய சுப பாவங்களை தொடர்புகொண்டுள்ளது. லக்ன நிலை ஜாதகத்தில் நன்றாக உள்ளது.

• குடும்ப ஸ்தானமான இரண்டாம் பாவமுனைக்கு இயற்கை சுப கிரகமான குரு உபாதிபதியாகவும் மேலும் குரு 2,4,8 ஆகிய பாவங்களுக்கும் உபாதிபதியாக அமைந்துள்ளது. குரு சுயநட்சத்திரத்திலும், சுயஉபநட்சத்திரத்திலும் அமைந்துள்ளதால் ஜாதகருக்கு குடும்ப ஸ்தானம் கெட்டுள்ளது. இந்த அமைப்பில் பொருளாதாரம் நன்கு வளரும் ஆனால் குடும்ப அமைவு சற்று காலம் தாழ்த்தும்.

• களத்திர ஸ்தானமான 7ம் பாவத்திற்கு சூரியன் உபாதிபதியாக அமைந்து, சூரியன் அமர்ந்த நட்சத்திரம் மற்றும் உபநட்சத்திரம்  சுக்கிரன் ஆவார். சூரியன் 7ம் பாவ தொடர்பு பெரும்பாலும் தாமத திருமணத்தையும், பிரச்சனையுடன் கூடிய அமைவையும் தரும். ஆனால் சூரியன் அமர்ந்த நட்சத்திரம் சுக்கிரன் மற்றும் 7ம் பாவத்தின் தொடர்பு ஒற்றைபடை பாவங்களான 1,3,5,7,11. களத்திர ஸ்தானம் முழுமையாக கெடவில்லை. விதிபடி ஜாதகருக்கு களத்திர யோகம் உண்டு என ஊர்ஜிதமாகிறது. 

• களத்திரகாரகன் சுக்கிரன் ஜாதகத்தில் 1,3,5,7,11 ஆகிய பாவங்களுக்கு உபாதிபதியாக அமைந்து சுப வலுவுடன் இருக்கின்றார்.

• குரு 2,4,8 ஆகிய பாவங்களுக்கு உபாதிபதியாக அமைந்து கெட்டுகிடக்கின்றார். குரு சுப தன்மையை இழந்துள்ளார்.

• களத்திர பாவமுனையின் உபாதிபதி சூரியன் சுப வலுவுடன் உள்ளது.

• பூர்வ புண்ணிய (5ம் பாவம்) ஸ்தானத்திற்கு சுக்கிரன் பொறுப்பேற்று வலுவாக உள்ளார்.

• பாக்கிய ஸ்தானத்திற்கு (9ம் பாவம்) புதன் உபாதிபதியாக அமைந்து மேலும் தொடர்புகொண்ட பாவங்கள்  1,3,5,7,9.

ஆக விதிபடி ஜாதகருக்கு திருமண வாழ்வில் இணைய 75% கொடுப்பினை உள்ளது என்பதை மேற்கண்ட ஆய்வுகள் மூலம் அறிய முடிகின்றது. 

விதிபடி இவ்வளவு சாத்தியங்கள் இருந்தும் ஜாதகருக்கு இதுவரை ஏன் திருமணம் நடைபெறவில்லை? வேறு என்ன காரணத்தால் திருமணம் தடைபட்டுள்ளது?

பொதுவாக விதிபடி உள்ள யோகங்களை அனுபவிக்க வேண்டும் என்றால் ஜாதகருக்கு தசாபுக்திகள் ஒத்துழைக்க வேண்டும். இளமையில் சரியான தசாபுக்திகள் அமைந்துவிட்டால், காலாகாலத்தில் திருமணம் நடந்து வாரிசை பெற்றெடுத்து குதுகலமாக வாழ்வார்கள். தசா புக்திகள் சரியாக ஒத்துழைக்கவில்லை என்றால் அனைத்தும் பிரச்சனையே.

சரி.. ஜாதகருக்கு திருமண வயது கால கட்டங்களான 25 வயது முதல் நடைபெற்ற தசா புக்திகளை ஆராய்ந்தால் திருமணம் தள்ளி சென்றதற்கான காரகங்கள் நமக்கு புரிந்துவிடும்.

ஜாதகருக்கு 21வயதில் சூரிய தசை ஆரம்பம். சூரிய தசை ஆறுவருடம். இது விடலை பருவம். சனி புக்தி முடியும் வரை அதாவது 24வயது முடியும் வரை திருமண பேச்சி எழுவதற்கு வாய்ப்பில்லை.

அதன் பிறகு 25 வயது தொடக்கத்தில் ஜாதகரின் தந்தை மிகுந்த எதிர்பார்ப்புடன் தன் மகனிற்கு பெண் தேட ஆரம்பித்துள்ளார். இந்த காலகட்டத்தில் சனிபுக்தி மத்தியில் ஜாதகர் ஒரு விபத்தில் சிக்கியுள்ளார். உயிர் பிழைத்தால் போதும் என்ற நிலையில் ஜாதகர் விபத்தில் அந்த அளவிற்கு அடிபட்டுள்ளார். ஜாதகர் பூரண குணமடைய இரு வருடங்கள் ஆகிவிட்டது. யோகமான சூரிய தசையும் 27வயது 7மாதம் தொடக்கத்தில் முடிந்து அடுத்து சந்திர தசை ஆரம்பித்துள்ளது.

சந்திர தசை 4,8,12 ஆகிய பாவங்களை முன்னிருத்தி தசை நடத்தியுள்ளது. இது ஜாதகருக்கு தயவு தாட்சனையின்றி பல தடங்களையும், வலி வேதனைகளை  தரகூடிய கொடுமையான காலகட்டம். அதிஷ்டம் இன்றி துர்பாக்கியத்தை அனுபவிக்க வைத்திடும். இறை கொடுப்பினை இன்றி ஜாதகரை தவிக்க வைத்திடும் கண்டமான காலகட்டம்.

இதன் காரணமாகதான் சந்திர தசையில், திருமணம் கூடி வராமல் அனைத்தும் கை நழுவி போனது போல் ஜாதகரின் குடும்பமே மகனின் எதிர்கால வாழ்க்கையை நினைத்து கவலைபட்டுள்ளார்கள்.

திருமணம் தள்ளிபோனதற்கான விளக்கங்களை ஜாதகரின் தந்தைக்கு மேற் கண்ட காரணங்களை எடுத்து கூறி விளக்கினேன்.

சரி. விதிபடி திருமணம் உண்டு என கணித்தோம் அல்லவா? அப்படி என்றால் இந்த ஜாதகருக்கு திருமண வைபோகம் எப்போது??

ஜாதகம் கணித்த அன்று நடப்பில் உள்ள தசா புக்திகள் ஆராய்ந்தோம்.

தசை : சந்திரன் (4,8,12)
புக்தி: சனி (10,12)
அந்தரம்: சுக்கிரன் (1,3,5,7,11)

திருமணத்திற்கு யோகம் அளிக்க கூடிய சுக்கிர மற்றும் சூரிய அந்திரம் கிட்டதட்ட நான்கு மாதங்கள் நடைபெரும். அக்டோபர் 2018 தொடங்கி அடுத்த வருடம் பிப்ரவரி 2019 வரை நடைபெறும். இந்த காலகட்டத்தை சரியாக பயன்பாடுத்திக்கொண்டால் ஜாதகருக்கு திருமணம் முடிந்துவிடும் என்று ஜாதகரின் தந்தைக்கு உறுதியாக கூறினேன். 

நம்பிக்கையுடன் செயல்படுங்கள் நிச்சயம் தங்கள் மகன் தம்பதி சகிதமாக ஊரார் முன்னிலையில் தங்களுக்கு பாத பூஜை செய்யும் பெரும் பாக்கியத்தை அடைவார் என்றேன்.

இதை கேட்டு ஜாதகரின் தந்தைமிகுந்த சந்தோஷத்தோடு எமக்கு நன்றி கூறி... பெண் தேடுவதை துரிதப்படுத்துவதாக கூறினார்.

ஜாதகரின் தந்தை சரியாக ஒன்றை மாதம் கழித்து சென்ற வாரம் எமக்கு போன் செய்தார்.

யாம் ஜாதகத்தில் கணித்து கூறியபடி அவரது மகனுக்கு நல்ல இடத்தில், அனைவரது மனதிற்கும் பிடித்த மாதிரி, தன் மகனுக்கு பெண் அமைந்து விட்டதாகவும், வருகின்ற பிப்ரவரி 2019தில் திருமணம் நிச்சயத்துள்ளதாகவும், மிகுந்த சந்தோஷத்தோடு கூறி எம்மை நன்றி கூறி வாழ்த்தினார்.

அந்த தருணம் இஷ்ட தெய்வத்தையும், குல தெய்வத்தையும் நினைவுகூறி, எம் குருநாதருக்கு சாஷ்டாங்கமாக நன்றி கூறி கொண்டேன்.

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்...

திலக். ஜெ. பாலமுருகன் M.C.A.,
Advanced KP Stellar Astrologer
+91-8 8 2 5 5 1 8 6 3 4
astrotilakjbalamurugan@gmail.com

வாழ்வாதாரத்திற்கு உனக்கு ஒரு தொழில் அது 10ல் மணக்கும் எழில்-10th-bhava-The-Dignity-of-Profession-Astrology-Predictions

உச்சிஷ்ட மஹா கணபதி போற்றி...

வாழ்வாதாரத்திற்கு உனக்கு ஒரு தொழில்
    அது 10ல் மணக்கும் எழில்! 

அனைவருக்கும் வணக்கம்!

உன் முயற்சியை வீன் என்பார்  
பத்தின்படி நீ நடந்தால் விழிபிதுங்குவார்!
பொருளற்ற வாழ்வை சமூகம் இழிக்கும்
அதை சேர்க்க பத்தை பார்த்தால் உன் யோகம் விழிக்கும்...!
வாழ்வாதாரத்திற்கு உனக்கு ஒரு தொழில்
அது பத்தில் மணக்கும் எழில்!  
கருமமே கண்ணாயிரு 
கவுரவம் உனக்கு கொடிபிடிக்கும்!
உன் முயற்சியை வீன் என்பார்
பத்தின்படி நீ நடந்தால் விழிபிதுங்குவார்! 

பொருள் இல்லார்க்கு இவ்வுலகு இல்லை! அருளில்லார்கு அவ்வுலகம் இல்லை! என்பது ஆன்றோர் வாக்கு. ஒரு பொருட்டாக மதியாதவரையும் பொருள் சேர்த்தால் தூக்கி கொண்டாடும் சமூகம்.

ஜாதகத்தில் பொருளாதரா வளர்ச்சிக்கு சிறப்பாக கருதபடும் பாவங்களான 2,4,6,8,10,12 ஆகிய இரட்டைபடை பாவங்களே தலையாய பொருப்புகளை வகிக்கின்றன. இவை அர்த்தமுள்ள பொருள் பாவங்கள் ஆகும்.

புற வாழ்கையை செம்மைபடுத்திட மாட்சிமை பொருந்திய பாவங்கள்.

"சார ஜோதிடத்தில் ஜாதக பகுப்பாய்வு" நூல் ஆசிரியர்,  ஜோதிஷ ஆச்சார்யா திருமதி.V.வெண்ணிலா அவர்கள் இரட்டைபடை பாவங்களின் சிறப்பை ஜாதகரின் பொருளாதார வளர்ச்சிக்கு எவ்வகையில் செயல்படும் என்பதை மிக அருமையாக "சார ஜோதிடத்தில் புறம்" என்ற தலைப்பில் விளக்கியிருப்பார்கள்.

தொழில்முறை ஜோதிடர்களுக்கு மட்டும் அல்லாமல் ஜோதிட அடிப்படை அறியாதவர்களும், எளிமையாக புரிந்து விளங்கும் வகையில்,  தொழில் முனைவோராக்கும் எழிச்சியூட்டும் வீரிய கருத்துகள் மிகுந்த அற்புதமான ஜோதிட கட்டுரை.

வாழ்க்கைக்கு வளம் சேர்க்கும் வழி முறைகளை, தற்கால சூழலோடு பொருள் பாவங்களை வகைபடுத்தி, நன்மை தீமை பாவங்களை அடையாளம் கான எளிய முறை விளக்கமாக "2,4,6,10 வழி பொருள் லக்னத்திற்கு நன்மையும், 8,12 பொருள் வகையில் நன்மை என்றாலும் அகவழியில் ஜாதகருக்கு தீங்குதான்" என்று தர்ம நீதியை ஜோதிட விளக்கமாக ஆணிதரமாக உரைத்திருப்பார்.

கேந்திர பாவங்களில் மிகவும் வலிமை வாய்ந்தது பத்தாம் பாவம். இது ஒரு நிலையான பாவம். ஜாதகரின் தொழில், அந்தஸ்த்தை மையபடுத்தும் கவுரம் தரும் பாவம்.

10ம் பாவம் ஜாதகரின் கடமை, பொறுப்புகள், பொறுப்புகளை பகிர்ந்து அளித்தல், பதவி, பெற்றொர்களுக்கு சிரார்த்தம் புரிதல், தலைமை வகித்தல், ஆளுமையை மையபடுத்திய கோட்பாடுகளை வகுத்தல், கட்டளை இடுதல் ஆகிவற்றையும் குறிக்கும்.

பொருளாதாரத்தை மட்டும் பெரிதென்னி செயலாற்றாமல் கவுரவம், அந்தஸ்த்தை மிகுந்து பெற்றிட முனைப்பூட்டும் கர்ம பாவம் தான் 10ம் பாவம்.

தொழிலில் ஒரு நிலையில் இருந்துவிடாமல் "நாளொரு மேனி பொழுதொரு வண்ணமாக" வளர்ந்திடவே அருள்புரியும் கர்மவினையாற்றும் பாவம்.

10ம் பாவம் நிர்வாக திறனை மிகைபடுத்தி அதிகாரத்தை தக்கவைத்திட உதவும் நிலையான பாவம். மேலாண்மை கோட்பாடுகளை வகுத்திட்டு, நிர்வாக ஸ்த்திரத்தை பலபடுத்தும்.

நிர்வாகத்தில் சொன்னது செய்தது எல்லாம் போக, நாளின் இறுதியில் என்ன பலன் கிடைத்தது, இலக்கிட்டது போல் அடைந்ததோமா என்று சீர் தூக்கி அறிய வைக்கும் உன்னத பாவம்.

இதுவரை 10ம் பாவத்தின் தனி சிறப்பை அறிந்தோம். 10ம் என்னும் ஜீவன ஸ்தானம் பிற பாவங்களுடன் இணைந்து செயலாற்றும் கூட்டு விளைவுகளை அறிவோம்.

              

10 -> 3,7,11 பாவ தொடர்பு

3ம் பாவம் ஒரு நிலையற்ற பாவம், ஜாதகரின் தொழில் மாற்றம் நிரைந்த நிலையற்ற தொழிலாக இருக்கும். உதாரணத்திற்கு கணினி துறை. காலத்திற்கு ஏற்றார் போல் மாற்றம் அடையும் வளர்ச்சி நிறைந்த தொழில்.

7ம் பாவம் என்பது ஒரு நிலையான பாவம் இது, சுய தொழில், பொது மக்கள் சந்திப்பு போன்ற காரகங்களை உள்ளடக்கியது. 10ம் பாவம் தொடர்பு கொண்டால் ஒன்றை கொடுத்து ஒன்றை பெறும் தொழிலாக அமையும்.

11ம் பாவம் என்பது பெரும் கூட்டம், ஜாதகரின் திருப்தியை குறிப்பது. ஜாதகர் இந்த வகையில் பொருள் சேர்க்கும் வழி அறிந்து தொழில் புரிவார்.

10-> 1,5,9 பாவ தொடர்பு

லக்ன பாவ தொடர்பு என்பது தன் சுய முயற்சியில் பொருளீட்ட முனைவார். அரசியல்வாதிகளுக்கு ஏற்றவர். வியாபாரம், தொழிலதிபர்களுக்கு ஆலோசகராக திறம்பட செயல்படகூடியவர். தனது சொந்த அபிப்ராயங்களை தொலைகாட்சியில் வாதாடி பொருளீட்டும் கொவுரவ வித்தகர்.

5,9ம் பாவ தொடர்பு பொறுபற்ற தன்மை, புறம் சார்ந்த பெரும் முதலீடு (Heavy Investment)போட்டு செய்யும் நிலையான தொழிலுக்கு ஏற்றது அல்ல(Not suitable) என்றாலும் அகம் சார்ந்த கலை(Arts), விளையாட்டு(Sports), கமிஷன் போன்ற தொழில் கைகொடுக்கும்.

"சிறு துரும்பும் பல் குத்த உதவும்" என்ற வகையில் தொழில் சமூகத்தில் இவர்களது சேவைகளும் அங்கிகரிக்கபடுகிறது. இயற்கை ஆளுமையும், ஆன்மீக பண்பும் வெளிபட்டு ஜோதிட  ஆலோசனை வழங்கி சமூகத்தை வழிநடத்தும் இறை ஆசி பெற்ற தர்மவான்களையும் உருவாக்குவதும் இந்த அமைப்பில்தான்.

10 - > 2,4,6,8 பாவ தொடர்பு

இந்த அமைப்பு உடையவர்கள் கார்பரேட் சாணக்கியர்கள். தொழிலுலக ஜாம்பாவான்கள். தொழிலிலும், பதவியிலும் கொடிகட்டி பறக்க அதிஉச்சம் நிறைந்த நிலைத்த யோகமான அமைப்பு.

10 -> 8,12 பாவ தொடர்பு

"கார்பரேட் உலகம் மோசமானது! அதில் அழுக்கான அரசியல் உள்ளது!" என்பது எளியோரின் கருத்து. போட்டி நிறைந்த வியாபார சமூகத்தை (Business community) பலம் கொண்டு சமாளிக்க 8ம் பாவத்தின் துணை அவசியம். நல்லவன் என்பதைவிட வல்வன் என்பதே தொழில் உலகிற்கு முதல் தகுதி. 10க்கு 11ம் பாவம் 8ம் பாவம் ஊருகாய் போல் தொட்டு கொண்டால் விருந்து சுவைக்கும் தொழிலும் சிறக்கும். கடும் முயற்சி(Hard Work) உச்சத்தை தரும் அதற்கு 8ம் பாவம் அருள் தரும்.

12 ->  வியாபார ஸ்தாபனத்தை (Business Establishment) விரிவுபடுத்தி பல தொழில் புரிந்து பொருளீட்ட முனைய வைக்கும் சூட்சம பாவம். அகல கால் ஆபத்து, ஆழம் அறிந்து காலைவிட்டால் அனைத்தும் நம் வசமே என்று உணர்த்தும் முன் எச்சரிக்கை பாவ தொடர்பு.

"மண் மீது சீர் பெருக்கி, மாளாதப் பேர் நிறுத்தி, பொன்னும், பொருளும் மேலான செல்வமும், துணிவோடும், தெளிவோடும், வளங்கூட்டும் 10ம் பாவம் என்றால் அது மிகையில்லை!" 

என்பதை பொன் எழுத்துக்களாக கருதி  "சார ஜோதிடத்தில் ஜாதக பகுப்பாய்வு" நூல் ஆசிரியர்,  ஜோதிஷ ஆச்சார்யா திருமதி.V.வெண்ணிலா அவர்களின்  பொருள்நீதி வாசக சிந்தனையுடன் இக்கட்டுரையை நிறைவு செய்கின்றேன்.

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்...

திலக். ஜெ. பாலமுருகன்
ADVANCED KP STELLAR ASTROLOGER
CHENNAI | TAMILNADU | INDIA
+91 - 8 8 2 5 5 1 8 6 3 4.

உங்கள் காதல் நல்ல காதலா-கள்ள காதலா-True Love or Counterfeit love

உச்சிஷ்ட மகா கணபதி போற்றி...!

உங்கள் காதல் நல்ல காதலா? கள்ள காதலா?

காதலித்து  பார்உன்னை  சுற்றி  ஒளிவட்டம் தோன்றும் உலகம்  அர்த்தப்படும்   ராத்திரியில் நீளம் விளங்கும் உனக்கும்  கவிதை  வரும் கையெழுத்து   அழகாகும் தபால்காரன்  தெய்வம்  ஆவான்உன்பிம்பம்  விழுந்தே கண்ணாடி  உடையும் கண் இரண்டும் ஒளிகொள்ளும் காதலித்து  பார் ...!

என்று கவிஞர் வைரமுத்து அவர்கள், காதல் உணர்வுகளை தம் கவிதை வரிகளில் மிக அழகாக கூறியிருப்பார். ஆனால் காதலிக்கும் அனைவருக்குமே, தன் காதல் திருமணம் வரை செல்கிறதா? காதல் வாழ்வில் நூற்றாண்டு கண்டு வரலாறு படைகின்றதா? எல்லாம் அவரவர் கருமத்தின் படியே ஜாதக கொடுப்பினைக்கு ஏற்ப நிகழ்கின்றது.

"Many of us believe that when we give love, We are getting the love back but sometimes it's just an illusion of what we gave them."

கனவுகள் போலவே யாருக்கும் தெரியாமலே கலைந்து போகின்றது ஒரு சில பெண்களின் ஆசைகளும். காதலித்து ஏமாற்றம் அடையும் பெண்களும் இருக்கின்றார்கள்.

விதைத்தது அன்பென்றாலும் விளைவது கண்ணீர் துளிகளே...! என்று பெண்களால் ஏமாற்றபட்ட ஆண்களும் இந்த சமூகத்தில் இருக்கதான் செய்கிறார்கள்.

காதல் கண்ணை மறைக்கும் என்பார்கள்.

ஹார்மோன் மாற்றத்தாலும், அதன் தூண்டுதலாலும் காதல் என்ற போர்வையில் பதின் வயது பெண்கள் போலியான நபர்களிடம் தம் வாழ்க்கையை தொலைகின்றார்கள்.

When people are in love, it can be hard for them to identify true love from fake love. There are so many stories of people who have got their heart broken because of fake love.

காதல் தவறு என்று உரைப்பதற்கு இந்த பதிவு கிடையாது. காதலை போற்றும் உண்மையான ஜாதகர் யார் என்று அடையாளம் கானும் ஜோதிட விதிகளை பதிவதே இக்கட்டுரையின் நோக்கம்.

இன்றைய இளம் பெண்கள் பெரும்பாலோனர் மிகவும் புத்திசாலிகள். ஒருவனை காதலிக்கும் முன்பே,  அவன் ஜாதகத்தை ஜோதிடர்களிடம் காட்டி இவன் நல்லவனா? கடைசிவரை காப்பாற்றுவானா? பழக்க வழக்கங்கள் நன்றாக இருக்குமா? என்று அனைத்தையும் தெளிவாக கேட்டு அறிந்த பிறகே, காதலுக்கு பச்சை கொடி காட்டுகிறார்கள்.

காதலுக்கு முன்பு மட்டும் அல்ல காதலிக்கும் போதே சில பெண்கள் காதலனின் முழு ஜாதகத்தையும் அறிந்தே திருமணத்திற்கு கழுத்தை நீட்டுகின்றார்கள்.

Loving someone with all your heart and soul is not something to be ashamed of. It is, however, important to know how to distinguish pure love from false love.

சரி. ஒருவருக்கு காதல் ஏற்படுவதற்கான ஜோதிட விதிகள் என்ன?

மனதில் என்னங்களை எழுப்பும் சந்திரன், காதலாக உருபெற வைப்பவர் சுக்கிரன், அதை நல்ல விதத்தில் நிகழ்த்தி வைப்பவர் ஐந்தாம் பாவ உபாதிபதி.

5ம் பாவம் என்னும் பூர்வபுண்ணிய ஸ்தானம், ஜோதிடத்தில் காதல் மற்றும் ஆழ்ந்த ஸ்பரிச, சுகந்த, இன்ப சிந்தனையை (குறிப்பிட்ட ஒரு சில சுகங்கள், பொழுதுபோக்கு செயல்களில் அதிக நாட்டம்), கலை துறை, உடல் உழைப்பு இல்லாத தன்மை போன்ற பாவகாரகங்களை கொண்டுள்ளது.

உன்னோடு பேச
      ஒரு நிமிடம் கிடைத்தால்
           போதும் எனக்கு...!
கண்ணோடு இருக்கும்
     கண்ணீர் மட்டுமல்ல
என் நெஞ்சோடு இருக்கும்
       சின்ன சின்ன ஏக்கங்களும்
            கவலைகளும் மறந்து
                 போகுமடா...!!

என்று காதல் வயப்பட்டவர்கள் அனைவரும் ஆழ்ந்த சிந்தனையில் மூழ்கி இருப்பதற்கு இந்த 5ம் பாவ காரகமே காரணமாகும்.

காதலில் முழு வெற்றி யாருக்கு?

எதையும் எதிர்பாராமல் நேசிப்பதும்...! எது நடந்தாலும் விட்டு விலகாமல் இருப்பதுமே உண்மையான அன்பு...!! இந்த மாதிரி அமைப்பு உள்ளவர்களின் ஜாதகத்தில் 5ம் பாவம் 5,7,11ம் பாவங்களை தொடர்பு கொண்டு இருக்கும். ஜாதகருக்கு காதல் வாழ்க்கையில் எவ்வித பிரச்சனையின்றி காதல் வாழ்வில் முழு வெற்றி அடைவார்.

உண்மை காதல் என்பது எதிர் பாலரின் பொருளாதாரம் (வரட்சனை, சீர்), அந்தஸ்த்து,  தொழில் போன்றவற்றை பொருத்து எப்போதும் வருவதில்லை. மேலும் ஜோதிட ரீதியாக 5ம் பாவம் என்பது 2,10ம் பாவங்களுக்கு 4,8ம் பாவமாக அமைவதை இங்கு காணலாம்.

மேற்கண்ட 5ம் பாவ அமைப்பில் மாற்றம் உள்ள ஜாதகரின் காதல் காணல் நீராய் மறைந்துவிடும். ஜாதகர் "அவள் பக்கத்தில் இல்லாமல் போனாலும் அவளால் இங்கு பக்கத்தை நிரப்பி கொண்டிருக்கின்றேன் என்று சோக வரிகளை கிறுக்கி கொண்டு இருப்பார்.

இந்த மாதிரியான நிகழ்விற்கு ஜாதகத்தில் 5ம் பாவம் 4,10ம் பாவங்களை தொடர்பு கொண்டால் ஜாதகருக்கு காதல் வாழ்க்கையில் தோல்வி ஏற்பட காரணமாக அமைந்துவிடும்.

காதலால் அவமானபட்டு நடு தெருவுக்கு வரும் துர்பாக்கிய நிலை யாருக்கு?

5ம் பாவம் 1,5,8ம் பாவங்களை தொடர்பு கொண்டால் ஜாதகருக்கு காதல் மூலம் அசிங்கம் அவமானம் உண்டு. மேலும் சனி, செவ்வாய் மேற்கண்ட பாவங்களுக்கு உப நட்சத்திரமாக இருந்தால் பெரிய அளவில் சண்டை, சச்சரவுகள் ஏற்படும்.

5ம் பாவம் 5,8,12ம் பாவங்களை தொடர்பு கொண்டால் ஜாதகருக்கு காதல் தொழில், பணம், கௌரவம் அனைத்தும் இழந்து நடுதெருவுக்கு வரும் சூழ்நிலையை காட்டும்.

கலவி காதல் (Counterfeit love)

5ம் பாவம் 5,11ம் பாவங்களை தொடர்பு கொண்டால் ஜாதகருக்கு, காதல் காதலாக மட்டுமே இருக்கும், ஆனால் திருமணத்திற்கு முன்பாகவே, தாம்பதியத்தில் ஈடுபடும் அமைப்பாக இருக்குமே ஒழிய திருமணம் வரை செல்லாது.

இந்த மாதிரியான ஆசாமியை காதல் செய்யும் பெண்களின் நிலமை இப்படி தான் இருக்கும்.. "விழிகள் பார்த்து கொஞ்சம் வந்தது..! விரல்கள் சேர்த்து கொஞ்சம் வந்தது...!! முழு காதல் வந்ததா என்று தெரியவில்லை... மூன்று மாதம் கழிச்சு வயித்துல புள்ளதான் வந்தது" என்று புலம்புவார்.

காதல் நிராசை

ஆசை காட்டி மோசம் செய்திருந்தாலும் மன்னித்திருப்பேன்.. ஆனால் என்னை கொல்ல காதல்தான் உனக்கு ஆயுதமாக கிடைத்ததா? என்று காதலித்து ஏமாற்றம் அடைந்து காதல் நிராசையாகும் ஜாதகரின் அவல நிலைக்கு காரணம், ஜாதகத்தில் 5ம் பாவம் 6,12ம் பாவங்களை தொடர்பு கொண்டால் ஜாதகருக்கு காதல், திருமணம் வரை செல்லாது என்பதே நிதர்சன உண்மை.

கள்ள காதல் (The illicit love)

நகைச்சுவை நடிகர் வடிவேலு.. ஒரு படத்தில், நகைச்சுவை காட்சியில்.. "வசதிக்கு இல்லாட்டினாலும்..! அசதிக்கு வச்சிக்கிறேனு...!!" வசனத்தில் சொல்லுகின்றது போல் காதலன் சில பேருக்கு அமைந்துவிடுவார்கள். ஜாதகத்தில் அவர்களுக்கு 5ம் பாவம் 5,9 ம் பாவங்களை தொடர்பு கொண்ட ஜாதகருக்கு காதல் கள்ள காதலாக அமையும். அதாவது ஏற்கனவே திருமணமான வரை ஜாதகர் கள்ள காதல் கொள்ளும் வாய்ப்பு ஏற்பட்டுவிடும்.

இந்த மாதிரியான ஆசாமிகளின் பேச்சும், பழக்கங்களும் சுயநலம் சார்ந்ததாகவும், பெண் சுகம் அனுபவிப்பதில் குறியாகவும் இருப்பார்கள்.

ஒரு படத்தில், நகைச்சுவை நடிகர், கவுண்டமணி, பால்காரராக நடித்து இருப்பார், அதில் ஒவ்வொரு வீட்டிற்கும் பால் ஊற்றும் போது ஆண்களிடம் சலிப்பாக பேசுவார், பெண்களிடம் சிரித்து பேசுவார்.

இப்படியாக ஒரு பெண்ணிடம் பேசும் போது.. " என்ன முனியம்மா சவுக்கியமா? என்று கேட்பார்! அந்த பெண் உடனே.. "நானும் என் புருசனும் சவுக்கியம்" என்பார்..  உடனே கவுண்டமணி.. "அந்த நாய பத்தி எவன் கேட்டான்" என்று பேசுவார். மேற்கண்ட ஜாதக அமைப்புள்ள ஆசாமிகள் பெண்களிடம்   இந்த மாதிரியாக பழக கூடிய ரகத்தை சார்ந்தவர்களாக இருப்பார்கள்.

இதே அமைப்பில் 7ம் பாவம் 8ம் பாவத்தை தொடர்புகொண்டால் கள்ள காதலால் கொலையுறுவார். முன்விரோத சண்டையில் நிகழும் கொலைகளைவிட கள்ளகாதல் காராணங்களால் நிகழும் கொலைகள்தான் அதிகமாக நடக்கின்றது.

இந்த பிரபஞ்சம் பஞ்ச பூதங்களின் கட்டுபாட்டில் உள்ளது. ஒவ்வொருவரின் செயல்களும் அவர்கள் அறியாமலே கால சக்கரத்தில் பதிவாகி ஏதாவது ரூபதில் நவகிரங்களால் அம்பலபடுத்தபடும். தண்ணிக்குள்ள காற்று விட்டாலும் அது குமிழியாக வெளிபடும்.

இப்படிதான் வெளிநாட்டுல இருக்கிற அப்பாவுக்கு 8 வயது மகன் கடிதம் எழுதினான். அப்பா., இங்கு அனைவரும் நலம்.. தங்கள் நலம் அறிய அவா.

தாத்தா-பாட்டி அவங்க பாய்ல படுத்துகிறாங்க... நானும்-பாப்பாவும் எங்க பாய்ல படுத்துகிறோம்... அம்மா அவங்க பாய்ல படுத்துகிறாங்க...

ஊருல இருந்து அடிக்கடி வந்து போற சித்தபாவுக்கு,  பாய் இல்லாமா, அம்மா மேல படுத்துகிறாரு...!!!

அதனாலா சித்தப்பாவுக்கு ஒரு பாய் அனுப்பி வைக்கவும் என்று கடிதத்தில் எழுதினான்.

பாருங்கு இருட்டுல நடக்குற மனைவியின் சங்கதி, எந்த ரூபத்தில் வெளிநாட்டுல இருக்குற கனவனுக்கு தெறியுது பாருங்க.

எல்லாம் நவகிரங்களின் நாட்டியம்...!

அறநெறி இல்லறத்தை மீறியவனுக்கு இன்பம் தற்காலிகம் தான். இறுதியில் மானம் இழந்து உயிர் இழக்க வைத்துவிடும்.

5ம் பாவம் 3,5,9,11 ம் பாவங்களை தொடர்பு கொண்டால் காதலர்கள் இருவரும் வீட்டை விட்டு (ஊரை) ஓடி செல்பவராக இருப்பார்கள். மேலும் சில சமயங்களில் இருவரும் ஏற்கனவே திருமணமான வர்களாகவும் இருக்கவும் வாய்ப்பு உண்டு. ஏன்னெனில் 9ம் பாவம் கள்ள தொடர்புகளை குறிக்கும்.

காதலர்களுக்குள் சண்டை நல்லது!

சண்டையில கிழியாத சட்டை எங்க இருக்குங்குற மாதிரி..! சண்டை போட்டுகாம இருக்கும் காதலர்கள் எங்கு இருக்காங்க..? காதலர்களுக்கு இடையில் சண்டைகள் நல்லது என்கிறது இங்கிலாந்தை சார்ந்த தன்னார்வ குடும்ப நலஅமைப்பு, ஆனால் எதுவும் ஒரு வரம்புக்குள்ள இருந்துவிட்டால் நல்லது. இப்படி ஐதாகத்தில் 5ம் பாவம் 2,8 ம் பாவங்களை தொடர்பு கொண்டால் காதலர்களுக்கு இடையே அடிக்கடி வாக்குவாதம் ஏற்படும்.

காதல் பிளேபாய்

சமூக ஊடகங்கள் மற்றும் பணிபுரியும் இடங்களில் பல பெண்களுக்கு காதல் வலை விரித்து உல்லாசம் அனுபவிக்கும் காதல் பிளேபாய்களின் ஜாதகத்தில்
5ம் பாவம் 5,7,9,11 ம் பாவங்களை தொடர்பு கொண்டு இருக்கும், இந்த மாதிரியான ஜாதகருக்கு ஒரே சமயத்தில் ஒன்றுக்கு மேற்பட்ட நபர்களுடன் காதல் செய்து தன் வலையில் விழ வைப்பார். உண்மை காதல் என்று எண்ணி விளக்கு வெளிச்சத்தில் மடிந்த விட்டில் பூச்சி போல் கற்பு இழந்த பெண்கள் ஏராளம்.

இந்த கதை இப்படினா நம்ம பயலுக்கு ஒரு பெண்ணுமே கிடைக்காம ஒத்த மரமாவே ல பேரு திரியுவான். பெருங் கூட்டத்துக் உள்ளேயும் தனி ஆளாவே இருப்பான். சரி! இந்த மாதிரியான அமைப்புக்கு என்ன காரணம்? ஜாதகத்தில் 5ம் பாவம் 4,6,8,10 ம் பாவங்களை தொடர்பு கொண்டால் ஜாதகர் யாரையும் காதலிக்க முடியாது. யாரையும் காதலித்தாலும் அது தோல்வியில் தான் முடியும். கடைசி வரைக்கும் கேர்ள் பிரண்ட் அமையவே அமையாது..! சுக்ராச்சாரியாவின் கடும் சாபத்திற்கு ஆட்பட்வனாவான்.

காதல் தோல்வியால் சித்தபிரம்மை

விலகி பார்த்தேன்
விலக்கி பார்த்தேன்
மறந்து பார்த்தேன்
மறக்கவும் பார்த்தேன்
பிரிந்து நின்றேன்
எல்லாம் உடலால்
நடக்கின்றது!
உயிர்
உன்னையே நினைக்கின்றது...!

என்று 5ம் பாவம் 3,8,10 ம் பாவங்களை தொடர்பு கொண்ட ஜாதகருக்கு காதல் தோல்வியால் சித்த பிரமை பிடித்து புலம்பிக்கொண்டு இருப்பார்.

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

Thanks

This article drafted based on Stellar Astrology, Important rules in referenced with fb post by 

"Jothida Aacharya" Dr. Annamalai MA (Astro)., MPhil (Astro)., PhD (Astro)

General Secretory, All India Stellar Astrologer Association. 

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்...

திலக். ஜெ. பாலமுருகன்
ADVANCED KP STELLAR ASTROLOGER
CHENNAI | TAMILNADU | INDIA
+91 - 8 8 2 5 5 1 8 6 3 4.

ஆபத்தில் உயிர்காக்கும் பாவங்கள் கடமை தவறா திரிகோணங்கள்

உச்சிஷ்ட மகா கணபதி போற்றி!

ஆபத்தில் உயிர்காக்கும் பாவங்கள்..! கடமை தவறா திரிகோணங்கள்..!!

ஒற்றை தன்மை

கொண்டவை

உயிர் தன்மை கொண்டவை!

நஞ்சுதனை

முறித்து

நலம்வாழ

துணை புரிபவை!

இன பெருக்க

இறை தொழிலில்

இசைவுடன்

பணிபுரிபவை!

இசை

நாதத்தில் திலைத்து

இன்புற வைப்பவை!

உலகை காக்கும்

அம்பாளின்

திருகரங்களில்

வீற்றிருக்கும்

திரிசூலம்

போல்

ஜாதகத்தின்

திரிகோணங்களே!

இறைதன்மை போற்றும்

திரிகோணங்கள்

அவையே

உயிர்காக்கும்

சூட்சம பாவங்கள்!

ஆபத்தில்

உயிர் காக்கும்

பாவங்கள்

கடமை தவறாத

திரிகோணங்கள்!

ஜாதகத்தில் திரிகோண பாவங்கள் லக்னம்(1), பூர்வ புண்ணியம்(5), பாக்கிய ஸ்தானம்(9) ஆகிவைகள் ஆகும். உயிர் உள்ள பாவங்கள் எனவும், அகம் சார்ந்த காரணிகள் மிகுந்த பாவங்கள் எனவும் கருதபடும்.

திரிகோண பாவங்கள் ஒரே மாதிரி செயல்படும் தன்மை கொண்டது என்பது உயர் கணித சார ஜோதிடத்தின் தாரக மந்திரம், காரணம் திரிகோணங்களில் உள்ள நட்சத்திரங்களின் அதிபதிகள் (3 கிரகங்கள்) ஒருவரே; நட்சத்திர பெயர்கள்தான் வேறு தவிர கிரகங்கள் ஒன்றே!

லக்ன பாவம் (1):

உடல் கூறில் லக்னபாவம் என்பது தலை, மூளை, நெற்றி போன்ற பகுதிகளை மட்டும் குறிக்காமல் ஒட்டுமொத்த உடலையயும், ஜாதகரின் உடல் வாகினையும் குறிக்கும் பாவம் ஆகும்.

உடலில் உள்ள எல்லா உறுப்புகளையும் மூளை கண்காணிப்பதால் இதனை உடலின் தலைமைச் செயலகம் என்று அழைக்கலாம்.

ஒருவர் ஜாதகத்தில், லக்ன பாவம் எந்த அளவிற்கு வலுவாக உள்ளதோ, அந்த அளவிற்கு நோய் எதிர்ப்பு திறன் அதிகமாக இருக்கும்.

6,8,12ம் பாவங்கள், ஜாதகர் பொதுவாக அனுபவிக்க கூடிய நோய்களை குறிப்பது. இந்த பாவங்களை தொடர்புகொண்ட மற்ற பாவங்களை பொருத்து ஜாதகரின் ஆரோக்கிய வாழ்வை நிர்ணயிக்கபடுகின்றது.

லக்ன பாவம் வலுபெற்றால் உடலின் நோய் எதிர்ப்பு திறன் வலுபெற்று, உடல் எப்பொழுதும் ஆரோக்கியமாக இருக்கும்.

பூர்வ புண்ணிய ஸ்தானம் (5ம் பாவம்):

ஐந்தாம் பாவம் என்பது இயற்கை, அழகு, ஆச்சாரம், உடல் சுத்தம், கலை, இசை, மென்மையான உணர்வுகள், நகைச்சுவை உணர்வுகள், காதல் உணர்வு மற்றும் இன்ப உணர்வுகளை குறிக்கும் இயற்கை காரக பாவம் ஆகும்.

லக்ன பாவமும், 5ம் பாவமும் ஒன்றுக்கொன்று திரிகோண பாவம் என்பதால், மூளையும், இதயமும் ஒன்றுக்கொன்று நெருங்கிய தொடர்பில் இருக்கும்.

உடல் கூறில் 5ம் பாவம், இதயம், முதுகுத் தண்டு, போன்றவற்றையும், இது தவிர உடலில் உள்ள எல்லாவித ஹார்மோன்கள், வெள்ளை அணுக்கள், வாரிசை உறுவாக்கும் திறன் ஆகிய அனைத்து இயற்கை தன்மைகளை குறிக்கும்.

5ம் பாவத்தின் காரகமான வெள்ளை அணுக்கள், உடலுக்கு வரும் நச்சு கிருமிகளையும், தேவையற்ற நச்சு தன்மையை அகற்றி, உடலில் உள்ள பழைய செல்களை அழித்துவிட்டு, புதிய செல்களை பாதுகாக்கும்.

உடலில் சக்திகளை சேகரித்தல், வளர்ச்சி, பாலியல் பண்புகள், இனபெருக்கம் ஆகிய செயல்களை செய்ய ஹார்மோன்களே உதவுகின்றன. ஆபத்து காலத்தில் உடலில் நிகழும் திடிமாற்றங்களுக்கு காராணம் ஹார்மோன்கள் தான்.

பாக்கிய ஸ்தானம் (9ம் பாவம்)

இந்த திரிகோண பாவங்களிலே ஒன்பதாம் பாவம் மிகவும் வலிமையானது, தீர்க்க முடியத பிரச்சனைகளுக்கு தீர்வு தரும் உன்னத பாவம்.

யூகிக்கும் திறன், வரக்கூடியவற்றை முன்கூட்டியே அறியும் அமானுஷி்ய பேராற்றல், மறைபொருளின் உயிர்க்காரகங்களை புதுபித்து புத்துயிர் தருதல் போன்ற பல ஆச்சரியம் தரும் ஆராய்ச்சி பாவம் என்றால் அது ஒன்பதாம் பவமே!.

ஒன்பதாம் பாவம் என்பது இறை அருளையும், ஆராய்ச்சியையும் குறிக்கும். கண்ணுக்கு தெரியாத மர்மங்களுக்கு உயிர் தந்து புதுபிக்கும் அற்புத ஆற்றல் ஒன்பதாம் பாவத்திற்கு உண்டு.

எமது குருநாதர், டிஜிடல்யுக வராஹிமிகிரர், ஜோதிஷ சக்ரவர்த்தி ஆ.தேவராஜ் அய்யா அவர்கள் சாரஜோதிட மருத்துவ நூலில் மிக அருமையாக கீழ்கண்வாறு விளக்கியிருப்பார்.

"9ம் பாவம் என்பது மிகவும் நுண்ணிய, நுணுக்கமான விஷயங்களை குறிக்கும். அதாவது விதை விருட்சமாக பரிணமைப்பது போல், மரம் என்பதை லக்னமாக கொண்டால் 9ம் பாவத்தை விதையாக கருதவேண்டும். "கீர்த்தி சிறிதானாலும் மூர்த்தி பெரியது" என்பது போல் தந்தையின் விந்தணு மனித செல்களில் மிகவும் சிறியவை ஆனால் விந்தணுக்களின் பெருக்கம் கற்பனைக்கு அப்பாற்பட்ட உருவமாக வடிவெடுப்பது இறைவன் படைப்பில் ஆச்சரியம் மிகுந்தது".

இயற்கை என்பது 9ம் பாவம், எப்பொழுதும் ஒரே மாதிரியான தன்மையை கொண்டிருக்காது ஆனால் 9க்கு 8ம் பாவம் 4ம் பாவம் ஒரே மாதிரியான தன்மையை கொண்டிருக்கும். நிலம், உற்பத்தி, திடப்பொருள்கள், செயற்கையான பொருட்கள் போன்றவற்றை 4ம் பாவம் குறிக்கும்.  மனித உடலில் உள்ள செல்களிலே மிகவும் பெரிய செல் எது என்றால்? "அது தாயின் கருமுட்டைதான்". மேலும் இது கண்களால் பார்க்ககூடிய பருப்பொருள் என்பதால் தாயை குறிக்கும் பாவம், நான்காம் பாவம் என்று ஜோதிடத்தில் அழைப்பது தெளிவாக புரிகின்றது.

கிரக காரகம் : குரு

ஜோதிடத்தில் குருவை முழு சுபராகவும், ஆன்மீகம், தெய்வம், இயற்கை போன்றவற்றிற்கு முதன்மை காரகராக கருதபடுகின்றது.

உயர் கணித சார ஜோதிட மருத்துவ ஜோதிடத்தில், உடலின் இயற்கை தன்மை, உடலுக்கு கிடைக்கும் தெய்வீக ஆற்றல், நேர்மறையன சிந்தனை, ஒழுக்கமான உணவு பழக்கங்கள் போன்றவற்றை கூறலாம்.

ஒரு உயிர் அல்லது உயிரினம் என்பது இயற்கையானது. எனவே குரு என்ற கிரகம், உடலில் உயிரை உருவாக்கும் சக்திக்கு காரகம் வகிக்கிறது.

பாவ காரகங்களில் இயற்கை, தெய்வீக காரகங்களை குறிக்கும் பாவங்கள் பூர்வ புண்ணிய ஸ்தானம் (5ம் பாவம்) மற்றும் பாக்கிய ஸ்தானம் (9ம் பாவம்) ஆகும். மேற்கண்ட 5,9ம் பாவங்களுக்கு உள்ள காரகங்கள் குருவின் காரகங்களுடன் பெருமளவு ஒத்து வரும்.

ஒன்பதாம் பாவம் என்பது இயற்கையை குறிப்பதால், ஜாதகரின் உடல், இயற்கையோடு இணைந்து நோய் எதிர்ப்பு திறனை பெற்றிருக்கும்.

உயிரின் இயக்க மையம் மூலாதாரம் என்னும் 9ம் பாவம்.

உடல் முழுவதும் இரத்தம் ஒடினாலும் அதன் இயக்க மையம் 5ம் பாவம் என்னும் இதயம். அது போலவே உயிரின் இயக்க மையமாக விளங்குவது 9ம் பாவம் என்னும் மூலாதாரம்.

இது முதுகு தண்டின் அடிபகுதிக்குச் சற்று கீழே உட்புறமாக அமைந்துள்ளது. இங்கு விந்து நாத திரவம் (Sexual Vital Fluid) செறிவாக அமைந்துள்ளது. இதிலிருந்து உயிர்துகள்கள் ஏற்பட்டு உடல் முழுவதும் ஒரு சுற்றோட்டமாக ஓடிக் கொண்டிருக்கின்றன. இதனையே உயிரோட்டம் என்கின்றோம்.

நாம் உண்ணும் உணவானது உடலியக்க சிறப்பினால் ஏழுவகை தாதுக்களான இரசம், இரத்தம் (சந்திரன்)

தசை (செவ்வாய்)
கொழுப்பு(குரு)
எலும்பு, மஜ்ஜை (சூரியன்)
விந்து, நாதம் (சுக்கிரன்) ஆகியவையாக மாறுகிறது.


உண்ணும் உணவு சீரணமாகி, சிறு குடலின் மூலம் சத்துப் பொருட்கள் திரவமாக உறிஞ்சப்படுகின்றன. இதுவே இரசம் எனப்படும்.


இந்த இரசத்தோடு சிலவகை ரசாயனங்கள் சேர்ந்து இரத்தம் உருவாகிறது.


இரத்தத்தின் ஒரு பகுதி தசையாகின்றது.


தசையிலிருந்து எண்ணை பிரிக்கப்பட்டுக் கொழுப்பாக மாறுகிறது.


கொழுப்பிலிருந்து சுண்ணாம்பு சத்து பிரிக்கப்பட்டு எலும்பாக மாறுகிறது.


எலும்பாக கெட்டிப்பட்ட பகுதி போக மீதமுள்ள திரவம் எலும்புக்குள் மஜ்ஜையாக மாறி மூளையாக அமைகின்றது.


மஜ்ஜை எனும் தாதுவிலிருந்து சக்திவாய்ந்த அணுக்கள் பிரிக்கபட்டு விந்து, நாதம் என்ற தாதுவாக மாறுகின்றன.

விந்து, நாதம் என்பது வித்து சக்தி. இதுவே சீவ வித்து குழம்பு எனபடுகின்றது. இது ஆண்களுக்கு சுக்கிலம் என்றும், பெண்களுக்கு சுரோணிதம் என்றும் அழைக்கப்படுகின்றது.

இவ்வாறு ஏழு வகை தாதுக்களாக பிரித்து நம் ஜீவனை ஆரோக்கியமாக இயக்குவது வித்து சக்திதான். உடலின் அனைத்து பகுதிகளுக்கும் புத்துயிர் தந்து ஆரோக்கியமாக வாழ செயலாற்றிவருகின்றன.

தொப்புள் கொடி மருத்துவ சிகிச்சையும் 9ம் பாவத்தின் அதிசயமும்.

குழந்தை பிறந்த சில நாள்களில் காய்ந்து விழுந்த தொப்புள் கொடியைத் தாயத்தில் வைத்து கழுத்திலோ, கையிலோ அல்லது இடுப்பிலோ அணிவிப்பதை நமது முன்னோர்கள்  கடைபிடித்து வந்திருக்கிறார்கள்.

இது தான் பாரம்பரிய ஸ்டெம்செல் பாதுகாப்பு பெட்டகம். எவ்வித பொருட் செலவும் இன்றி, கிட்டதட்ட 30 வருடங்கள் இந்த தூய்மையான ஸ்டெம்சசெல் வித்து வீரியமாக செயல்படும். ஸ்டெம்செல் வித்திற்கு காரக கிரகம் குரு ஆவார்.

ஸ்டெம் செல்களைப் பாதுகாத்து, மருத்துவச் சிகிச்சை தேவைப்படும் ஆபத்தான காலகட்டத்தில் உபயோகப்படுத்துவதற்கான பல்வேறு ஆராய்ச்சிகள் இன்று உலக அளவில் நடக்கின்றன. இதை நம் ரிஷிகள் எத்தனையோ நூற்றாண்டுகளுக்கு முன், 9ம் பாவ சூட்சம ரகசியத்தை விளக்கமாக சொல்லிச் சென்றிருக்கிறார்கள்.

சரி. ஸ்டெம்செல் என்பது என்ன?

ஸ்டெம்செல் என்பது உயிரணுக்கள். இந்த உயிரணுக்கள் நமது உடம்பின் அடிப்படை ஆதார நிலைகள். இறைசக்தியால் நமக்கு கிடைத்த தூய்மையான வித்து செல்கள். இதற்கு ஆதார காரக கிரகம் குரு ஆவார்.

இந்த ஸ்டெம்செல்கள் இரண்டு வகைப்படும். முதல்வகை Embryonic Stem Cells (கரு உயிரணுக்கள்) இரண்டாவது வகை Adult Stem Cells (வளர்ந்தவர்களின் உயிரணுக்கள்).

 கரு உயிரணுக்கள்:

குழந்தை தாயின் கருவிலிருக்கும் போது குழந்தையையும், தாயையும் இணைப்பது தொப்புள் கொடிதான். தொப்புள் கொடி இரத்தம் என்பது குழந்தையின் தொப்புள் கொடியிலிருக்கும் இரத்தம். கொடியை வெட்டியபின் வேண்டாம் என்று தூர எறியப்படும் கொடியின் கெட்டியான பகுதிதான் திசுக்கள். தொப்புள்கொடியில் இருக்கும் இரத்தம், கொடியின் கெட்டியான பகுதிகள் இவை இரண்டிலும் இருக்கும் உயிரணுக்களே கரு உயிரணுக்கள் என்று சொல்லப்படுகின்றன.

"9ம் பாவம் குறிக்கும் உயிர் வித்து தத்துவத்தின்" படி குழந்தை பிறந்தவுடன் குழந்தையின் தொப்புள் கொடி இரத்தத்தையும், கொடியின் திசுக்களையும் சேமித்து வைப்பதன் மூலம் குழந்தையை பலவிதமான நோய்களிலிருந்து காப்பாற்றலாம். இந்த உயிரணுக்கள் பலவிதமான தீவிர நோய்களை குணப் படுத்தும் ஆற்றல் உடையவை.

சமிபத்தில் இரத்த புற்றுநோய் பீடித்திருந்த ஒரு குழந்தையை, அதனுடைய சொந்த தொப்புள்கொடியில் உள்ள இரத்த திசுக்களை மறுபடியும் உடலில் செலுத்தி நோயை முழுமையுடன் குணப்படுத்தி வெற்றி பெற்றிருக்கிறார்கள் மருத்துவர்கள்.

அந்த குழந்தைக்கு இரத்த நாளங்கள் மூலம், பிறந்த போது சேகரித்த, தொப்புள்கொடி வழியாக எடுத்து சேமிக்கப்பட்டு, அதிகுளிர் பாதுகாப்பில் இருந்த, மாசற்ற ஆதி இரத்த திசுக்களை உட்செலுத்தினர்.

5ம் பாவ காரகத்தின் படி, புதிதாக செலுத்தப்பட்ட இந்த இரத்த திசுக்கள் சிறிது சிறிதாக அனைத்து இரத்த சுரப்பிகளை ஆக்கிரமித்து, நல்ல திசுக்களை உருவாக்கி, நோயை போக்கி நிரந்தரமாக குணம் அடைய வைத்துள்ளது.

ஸ்டெம் செல்கள் பலவிதமான திசுக்களாக உருவாகக் கூடிய தன்மை கொண்டவை இவை. நமது உடம்பில் நோய் காரணமாக நாம் இழக்கும் செல்களை எண்ணிலடங்கா எண்ணிக்கையில் மறுபடி உருவாக்குகின்றன இந்த ஸ்டெம் செல்கள்.

இந்த தொப்புள் கொடி இரத்தத்தையும், திசுக்களையும் பாதுகாப்பதன் மூலம் இரத்தப் புற்று நோய், தலசீமியா என்ற ஹீமோகுளோபின் குறைபாடு, இருதயம், நரம்பு சம்பந்தப்பட்ட நோய்கள், சர்க்கரை நோய் ஆகியவற்றை குணப் படுத்தலாம்.

"மனிதன் இயற்கை தன்மையுடன் நலமுடன் வாழ திரிகோண பாவங்களின் வலிமை மிகவுவும் அவசியம். மனிதனின் வாழ்க்கை மாற்றத்தால் அவன் இழக்கும் ஆரோகியத்தை ஈடுகட்டுவதில் 1,5,9 ஆகிய பாவங்களின் பங்கு அலாதியானது. ஆபத்து காலத்தில்  ஆபத்பாந்தவனாகவும், அனாதரட்சகனாகவும் காக்கும் இறைபாவங்கள் இந்த திரிகோண பாவங்கள் என்றால் அது மிகை ஆகாது."

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் அவர்களின் நல்லாசியுடன்..!

திலக். ஜெ. பாலமுருகன்

ADVANCED KP STELLAR ASTROLOGER | CHENNAI | TAMILNADU | INDIA

+91 - 8 8 2 5 5 1 8 6 3 4.

Related Blogs:


https://aanmeegathathuvangal.blogspot.com/

 RELATED Tags:

Advanced KP Stellar Astrologer, KP Astrology, Best Astrologer, KP Astrologer in Tamilnadu, KP Astrology Training, Best KP Astrology Class, Astrology in Tamil, Astrology Tutorial, KP Jothidar in Chennai, KP Jothidar teaching, Parikara Jothidar, Jothida Aacharya, Jothida Athithya, Top KP Astrologer in India, Famous KP Astrologer, Senior astrologer, Tamilnadu Astrologer, Horoscope predictoion, Birth Chart, தமிழ் ஜாதகம், சிறந்த ஜோதிடர், ஜோதிடர் சென்னை, ஜோதிடர் தமிழ்நாடு, Free horoscope.